NJOFTIM PËR VEND VAKANT PUNE
Shkolla “Omiros” Himarë shpall vendin vakant për pozicionin:
DREJTUES DIDAKTIK
Ftohen të aplikojnë të gjithë kandidatët që plotësojnë kriteret e përcaktuara në Ligjin nr. 69/2012, datë 21.06.2012, “Për sistemin arsimor parauniversitar në Republikën e Shqipërisë”, të ndryshuar, veçanërisht në nenin 55 të tij.
Kriteret ligjore
Kandidati duhet:
- të ketë formimin universitar përkatës për ushtrimin e profesionit të mësuesit;
- të zotërojë të paktën kategorinë e kualifikimit “Mësues i kualifikuar”;
- të jetë i pajisur me certifikatën e drejtuesit të institucionit arsimor parauniversitar nga shkolla e drejtorëve;
- të mos jetë anëtar i forumeve drejtuese të partive politike;
- të plotësojë kriteret e tjera të përgjithshme ligjore për ushtrimin e detyrës.
Në rast se nuk paraqitet asnjë kandidat i pajisur me certifikatën e drejtuesit të institucionit arsimor parauniversitar, do të zbatohen parashikimet përkatëse të pikës 3 të nenit 55 të ligjit.
Dokumentacioni i aplikimit
- Kërkesë për aplikim;
- Jetëshkrim profesional (CV);
- Kopje e diplomës dhe e listës së notave;
- Dokumenti që vërteton kategorinë e kualifikimit;
- Kopje e certifikatës së drejtuesit të institucionit arsimor parauniversitar;
- Dokumentacion që vërteton përvojën e punës;
- Kopje e dokumentit të identifikimit;
- Vetëdeklarim se kandidati nuk është anëtar i forumeve drejtuese të partive politike.
Shënim: Njohja e gjuhës greke përbën prioritet për kandidatin/en
Mënyra dhe afati i aplikimit
Dokumentacioni duhet të dërgohet në adresën elektronike:
Αυτή η διεύθυνση ηλεκτρονικού ταχυδρομείου προστατεύεται από τους αυτοματισμούς αποστολέων ανεπιθύμητων μηνυμάτων. Χρειάζεται να ενεργοποιήσετε τη JavaScript για να μπορέσετε να τη δείτε.
Në rubrikën “Subjekti” të emailit të shënohet:
“APLIKIM PËR DREJTUES DIDAKTIK – OMIRОS HIMARË”
Aplikimet pranohen brenda afatit 10-ditor nga data e publikimit të këtij njoftimi.
Afati i fundit: 22 gusht 2026
Për më shumë informacion mund të kontaktoni në numrin:
068 624 9942
Orari i komunikimit: 10:00–12:00.
Vetëm kandidatët që plotësojnë kriteret ligjore dhe kalojnë fazën e shqyrtimit të dokumentacionit do të kontaktohen për vijimin e procedurës së përzgjedhjes.
